Hoggaanka sare ee Xisbiga Qiimo Qaran ayaa si rasmi ah u shaaciyey goโaankiisa ku aaddan doorashada ku-celiska ah ee Galmudug, isagoo taageero siyaasadeed u muujiyey Musharrax Hoggaamiye Liibaan Axmed Xasan, oo ah musharraxa Ururka Caddaaladda iyo Wadajirka (JSP) ee doorashada hoggaanka Galmudug.
Goโaanka Xisbiga Qiimo Qaran wuxuu ka dhashay wadatashi iyo qiimeyn siyaasadeed oo ay hoggaanka xisbigu ka yeesheen xaaladda Galmudug, baahida loo qabo xasillooni siyaasadeed, dib-u-heshiisiin, horumar iyo dowlad-wanaag, iyo jihada siyaasadeed ee musharraxa Liibaan Axmed Xasan.
Xisbiga Qiimo Qaran wuxuu caddeynayaa in uu Musharrax Liibaan Axmed Xasan iyo JSP kula midoobayo taageerada geeddi-socodka siyaasadeed ee Galmudug, isagoo xoojinaya muhiimadda ay leedahay in doorashadu ku dhacdo jawi nabdoon, hufan, xushmad leh, lana dhowro shuruucda iyo habraacyada doorashada.
Hoggaanka Xisbiga Qiimo Qaran wuxuu sidoo kale caddeynayaa in xubnaha iyo taageerayaasha xisbiga loo gudbin doono goโaanka rasmiga ah ee hoggaanka, si ay uga qaybqaataan geeddi-socodka doorashada iyagoo raacaya nidaamka iyo awaamiirta xisbiga.
Xisbiga Qiimo Qaran wuxuu ugu baaqayaa dhammaan dhinacyada siyaasadda, bulshada rayidka ah iyo shacabka Galmudug in ay ilaaliyaan nabadda, wadajirka bulshada, xasilloonida iyo tartanka siyaasadeed ee nabdoon, gaar ahaan xilliga doorashada ku-celiska ah.
Qiimo Qaran wuxuu aaminsan yahay in mustaqbalka Galmudug lagu dhiso wada-tashi, midnimo, nabad iyo horumar loo dhan yahay.
