Dab ka dhashay booyad Naafto ku shubaysay kaalin shidaal oo uu lahaa Ganacsade lagu magacaabo Faarax Maracune ayaa waxaa ka dhashay qasaaro kala duwan, iyadoo ugu dambeyn lagu guulaystay in dabka la damiyo.
Ku dhawaad 10 ruux oo isugu jira kuwo Gubtay iyo qaar naqasku ku xirmay oo ka mid ahaa dadwaynihii daminta dabka u soo gurmaday ayaa la kala geeyay Goobaha Caafimaadka Degmada Caabudwaaq. Waxaana kuwa gubtay ku jira Bukaano aad u liida oo dhamaan diirka uu ka murxay.
Dhagalaab Aadan Suulay iyo Wiil uu dhalay ayaa ka mid ah Bukaanada Dabka Caawa ku Gubtay
Waxaa aad u yar daryeelka Caafimaad ee ay heli karaan Bukaanada Gubashada dabka ku wax yeeloobay ee lagu dabiibayo goobaha Caafimaadka ee magaalada Caabudwaaq.
