Munaasabadaan tababbarka loogu soo xirayay in ka badan 100 askari oo ka mid noqonaya ciidanka booliska ayaa lagu qabtay dugsiga sare Jeneraal Kaahiye ee magaalada Muqdisho, halkaasi oo ay ka qeyb galeen Taliyaha ciidanka Booliska Soomaaliya, taliyexigeenada ciidanka booliska, saraakiil ka socotay booliska AMISOM iyo saraakiil kale.
Taliyaha iyo saraakiisha la socotay ayaa waxa ay salaam sharaf ka qaateen cutubyo ka tirsan ciidanka booliska Soomaaliyeed.
Sareeyo Gaas Maxamed Sheekh Xasan Xaamud Taliyaha ciidanka Booliska Soomaaliyeed oo goobta ka hadlay ayaa sheegay in ciidanka tababbarka u soo gabo gaboobay looga baahanyahay inay si hufan u gutaan waajibaadka loo idmaday.
