Wasiirka Waxbarashada iyo Diimaha Kostas Gavroglou ayaa sheegtay in bisha September ee soo socota si rasmi ah loo furi doono Masjid cusub oo laga hirgaliyay caasimadda Athens ee dalka Gariiga.
Wasiirka oo maalinimadii Jimcaha ee shalay booqday masjidkaasi ayaa sheegay in dib u dhac badan kaddib dowladdu ay qaban qaabisay furitaanka masjidkaasi oo 3-sano ka dib ay ogolaadeen Baarlamaanka Wadanka Giriiga.
Related posts
Wakiiillo ka socdayย Musliminta ayaa sidoo kale booqday Masjidkaasi oo laga dhisay duleedka magaalada Athens, waxaa markiiba ku dukan kara 350-ruux, iyadoo kharashka ku baxay lagu qiyasay $ 967,000 .
Dhismaha Masjidkaan ayaa la xaqiijiyay in sanado badan uu ka jiray muran kaddib kolkii dhismahiisa ay ka hor-yimaadeen hoggaamiyaasha mucaaradka dalka Giriiga.
Tobanaan kun oo muslimiin muhaajiriin ah ayaa fursad u helaya in bisha September ee soo socota ay arkaan masjid u suurta galin karaย in ay ku cibaadeystaan si xor ah.
