Tartan cilmiyeedka bisha Ramadaan oo galay sanadkii todobaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii lixaad oo ah wareegga koowaad ku tartamay tartameyaasha Degmooyinka C/casiis Vs Xamar weyne oo ka wada tirsan Gobolka Banaadir, waxaana barnaamijka sanadkii shanaad oo xiriir ah taabagelineya Maamulka Gobolka Benaadir.
Tartameyaasha labada degmo ee C/casiis VS Xamar Weyne ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag.
C/casiis
Tartameyaasha Degmada C/casiis ee gobolka Banaadir waxaa la weydiiyey todobo Su’aal, waxa ay ka jawaabeen Hal su’aal, waxaana ay iska qaldeen lix su’aal, ma jirin ax ka faa;iideysi ah oo ay heeen, sidaa darteed wadarta guud ee dhibcaha tartameyaasha Degmada C/casiis ay heleen waxay noqotay labo (2) dhibcood.
Xamar weyne
Tartamayaasha Degmada Xamar weyne ee gobolka Banaadir waxaa dhankooda la weydiiyay todobo su’aal, waxa ay ka jawaabeen saddex su’aal, iyagoo iska qalday afar su’aal, mana jirin wax ka faa’iideysi ah oo ay heleen, sidaasi darteed wadarta guud ee dhibcaha ay heleen tartameyaasha Degmada Xamar weyne waxay noqotay lix (6) dhibcood.
Tartamayaasha Degmada Xamar weyne ee Gobolka Banaadir ayaa caawa u soo gudbay wareegga labaad ee tartanka
Habeen dambe haddii uu Alle idmo oo ah habeenka todobaad ee tartanka, waxaa foodda is dari doono, tartamaayasha degmooyinka Yaaqshiid Vs Dharkeynley oo ka wada tirsan Gobolka Banaadir
Sawir Qaade: Qadar Cali Nuur
