Guddoomiyaha Maxkamadda magaalada Hargeysa Axmed Dalmar Ismaaciil, ayaa dib xoriyadoodii u siiyey afartii fanaan ee kooxda Xidigaha geeska ee saddex cisho xabsiga magaaladaasi ku jiray kuwaa oo loo heystay ka heesitaanka Muqdisho habeenkii Ciida.
Maxkamadda Hargeysa ayaa qoraal ayaa qoraal ay soo saartay ku sheegtay in Boliiska maamulka Somaliland Maxkamada horteeda ay keeni waayeen sababa sharci ah oo xabsiga loogu sii hayo fanaaniintaasi.
Related posts
Maxkamadu waxay sheegtay booliisku inuu illaa hadda ku guuldareystay inay maxkamada horkeenaan sabab sharci oo macquul ah oo ay uga baaqsadeen inay ku dalbadaan amar qabasho iyo inay keenaan xogaha dhacdada, sababta xariga iyo cadaymaha la helay oo faah-faahsan.
Fanaanka C/raxmaan oday ka mid ahaa afarta fanaan sida sharaci darada ah maamulka Somaliland uu ugu xiray Hargeysa oo la hadlay Radio Muqdisho ayaa sheegay in ay aad ugu xunyihiin xariga loo geystay laakiin ay ku faraxsanyihiin in dib ay u helaan xoriyadooda.
Maxkamaddu waxay sheegtay inaanay banaaneyn in qofna la qabto, la baaddho, ama la xayiro haddii aanu markaasi denbi faraha kula jirin , ama aanu amar qabasho oo sababaysan ku soo xidhin garsoore awood u leh.
4tii Fanaan Ee Lagu Xiray Hargeysa Oo Dib Xoriyadoodii U HelayFanaaniinta la xiray oo kala ah Nimcaan Hilaac,Xamda Quβeen.C/raxmaan Oday, iyo Maxamed Ciro ayaa maamulka Somaliland ugu xiray Hargeysa sababa la xiriira maxaa Reer Muqdisho ula qeybsateen farxada Ciida oo aad ugu soo bandhigtay bandhig faneed taasi oo dadka Soomaaliyeed ay u arkeen wax lala yaabo.
