Waxaa maanta magaalada Garowe ee gobolka Nugaal lagu soo gaba-gabeeyo doorashada 6-dii kursi ee u dambeysay xubnaha Puntland ka soo galay baarlamaanka 11-aad ee Soomaaliya.
6-da kursi ee saakay lagu doortay Garowe waxaa ku kala guuleystay xubnaha kala ah:
1 – Guddoomiyaha gobolka Mudug ee Puntland Cabdiladhiif Muuse Nuur Sanyare ayaa ku guuleystay kursiga HOP#199.
2 – Cusmaan Cali Yuusuf ayaa ku guulaystay kursiga HOP#198.
3 – Eng. Maxamed Cabdullaahi Kayse ayaa ku guulaystay kursiga HOP#073.
4 – Xildhibaan Sacdiyo Xaaji Yaasiin Samatar ayaa ku guuleysatay kursiga HOP#129.
5 – Cabdullaahi Maxamed Jaamac ayaa ku guulaystay kursiga HOP#191.
6 – Cabdirisaaq Xasan Axmed ayaa ku guulaystay kursiga HOP#221. Kursigaan waxuu ahaa kii ugu dambeeyey 37-kursi ee Puntland ay ku leedahay golaha shacabka.
Maanta oo Jimco ah waxaa sidaas lagu soo gabagabeeyey doorashada dhamaan xubnaha baarlamaanka 11-aad ku metelaya deegaanada maamulka Puntland.
