Guddoomiyaha Maamulka Gobolka Banaadir ahna Duqa Muqdisho Dr. Xasan Maxamed Xuseen (Muungaab), ayaa saakay hoggaamiyay olole ballaaran oo nadaafadeed oo laga fuliyay Xeebta Liido, kaas oo ay ka qaybgaleen Danjiraha Dowladda aan walaalaha nahay ee Turkiga u fadhiya Soomaaliya, Mudane Alper Aktaล, masโuuliyiin ka tirsan Maamulka Gobolka Banaadir iyo dhallinyaro si mutadawacnimo ah uga shaqeeya nadaafadda caasimadda.
Guddoomiyaha Maamulka Gobolka Banaadir ahna Duqa Muqdisho Dr. Xasan Maxamed Xuseen (Muungaab) ayaa waxa uu carrabka ku adkeeyay in Maamulka Gobolka Banaadir ay ka goโan tahay sii xoojinta ololayaasha nadaafadda, ilaalinta deegaanka iyo qurxinta magaalada, si Muqdisho u noqoto caasimad ku dayasho mudan.
Related posts
Danjiraha Dowladda Turkiga, Mudane Alper Aktaล, oo sheegay in dowladdiisa ay sii xoojinayso taageerada ay la garab taagan tahay Soomaaliya, gaar ahaan horumarinta caasimadda Muqdisho, ayaa waxa uu shaaca ka qaaday qorshe lagu mataanaynayo magaalada xadaariga ah ee Konya ee dalka Turkiga iyo Muqdisho, si labada magaalo ay u yeeshaan iskaashi dhinacyada horumarinta magaalooyinka, dhaqanka, iyo is-weydaarsiga khibradaha maamulka.
Dhankiisa, Dr. Xasan Maxamed Xuseen (Muungaab), Guddoomiyaha Maamulka Gobolka Banaadir ahna Duqa Muqdisho, ayaa uga mahadceliyay dowladda iyo shacabka Turkiga garab-istaagga joogtada ah ee ay siiyaan Soomaaliya, isaga oo tilmaamay in mataanaynta Muqdisho iyo Konya ay fure u noqon doonto iskaashi cusub iyo barnaamijyo horumarineed oo ay caasimaddu ka faaโiidaysan doonto.
