Nin Soomaali ah oo magaciisa lagu soo gaabiyay C/raxmaan kana yimid magaalada Gaalkacyo ayaa caafimaad u tagay dalka India, dhakhaatiirta Isbitaal gaar loo leeyahay oo dalkaas ku yaala ayaa mid kamid ah keliyaha C/raxmaan waxaa ay ka soo saareen 700 oo dhagxaan yaryar ah.
Dhakhaatiirta ayaa sheegay in ninkan uu la daalaadhacayay cudur ay dhif iyo naadir tahay in la arko qof qaba maadaama keliyahiisa ay dhagxaan quruurax ah ay soo saaraan.
Related posts
C/raxmaan, ayaa dhakhaatiirta u sheegay in muddo sanado ah uu hayay xanuunka keliyaha isla markaana uu tagay mid kamid ah Isbitaalada magaalada Gaalkacyo loona sheegay in keliyahiisa ay ku jiraan dhagxaan yaryar iyo kuwo waa weyn oo aad u tiro badan.
Warkan oo lagu daabacay THE HINDU ayaa waxa ay sheegeen in ninkan muddo sideed bilood ka hor lagaga sameeyay qaliin kelida bidix lagana soo saaray sadex dhagax oo waa weyn, hase ahaatee qaliinkaas kadib caabuq kale ku yimid kaas oo ku faafay kelida midig
βTani waa sida xaalkiisu ahaa markii uu noo imaanayay. Kelidiisa bidix ayaa xanuuneysay wax qaliin furan ah laguma sameyn karin. Xaaladiisa ayaa dejinay ka hor inta aan loo diyaarinin qaliinka loo yaqaano (endoscopic surgery) ama qaliinka leysarka oo looga sameeyay kelida dhanka midig,β sidaas waxaa sheegay Dr. V. Surya Prakash kamid ah dhakhaatiirta Isbitaalka Virinchi , oo ah halka qaliinka C/raxmaan lagu fuliyay sadex maalin ka hor.
βWaxaan ku qiyaasnay in ka badan 700 quruurax ah. Ugu badnaan intii aan arki jirey waxay ahaayeen 100 ama Β 150,β ayuu yiri Β Dr. Prakash.
Isbitaalka Virinchi, ayaa baaritaano ku sameyn doona dhagxaantan waxa ay ka sameysan yihiin iyo sida ay ku haleeleen, waxayna sheegeen dhakhaatiirtu in ay arintan ay la xiriirto hiddo ahaan hase yeeshee C/raxmaan ayaa xusay in aysan jirin qof qoyskiisa ku saabsan oo dhacdadan Β ama xanuunkan oo kale la kulmay
