Waxaan ku lugeynayay Waddada hor marta Dekedda weyn ee Magaalada Muqdisho, waxayna aheyd goor subax aroorye hore ah, aniga oo markaasi u socday goobteyda shaqada ayaa waxaa iga soo hor muuqday Tabeelle weyn oo uu ku sawiran yahay Madaxweynaha Jamhuuriyadda Federaalka Soomaaliya Mudane Maxamed Cabdullahi Farmaajo, waxaase ku kor qornaa halku dhig aad ii mashquuliyay kaasi oo ahaa 8-da Bisha Febraayo waa maalinta guusha Shacabka, waxaan is weydiiyay goormeey ka mid noqotay maalamaha Dalka laga xuso, waxaase markii dambe ii soo baxday inay aheyd maalintaasi markii Farmaaajo uu ku guuleystay Doorashadii Dalka ka dhacday.
Habeenkii la dooray iyo wixii ka dambeeyay waxaa bilowday dibad-baxyo aad loogu taageerayo Madaxeynaha la doortay, Maxamed Cabdullahi Farmaajo ayaa noqday Madaxweynihii ugu taageerada badnaa Hogaamiyaashii Dalka soo maray kadib bur burkii Dowladdii dhexe ee Soomaaliya, balse dad badan ayaa isweydiinaya sababta uu Mudane Farmaajo ku helay taageerada shacabka Soomaaliyeed uuna u yahay hogaamiye guuleystay, taasi ayaa ah inuu aamisan yahay Soomaali mid ah oo dhinac walba raali isaga ah sida uu ku sheegay khudbad uu xilli hore jeediyay.
Madaxweynaha Soomaaliya Maxamed Cabdullahi Farmaajo ayaa sheegay in Soomaaliya aysan hogaamiye sax ah helin, haddii ay heshana ay noqon doonaan kuwa guuleysta.
“Hogaanka wanaagsan waxaa laga rabaa inuu cadaaladii dalka u horseedo”ayuu yiri Mudane Farmaajo oo saxaafada la hadlay xilli uu ku jiray olalahiisa Musharaxnimada, iyadoo intii uu R/wasaaraha Dalka ka ahaa waxa uu qaaday talaabooyin si aad ah u soo jiitay dareenka Shacabka Soomaaliyeed.
Maxaa keenay in dadku sidaasi u jeclaadaan?
Maxamed C/lahi Waxa uu xilka R/wasaaraha hayey muddo ku siman 6 bilood, waxaana uu noqday Masuul si weyn u kasbaday dareenka Shacabka iyadoona waxyaabaha ay dadku ku jeclaadeen ay ka mid tahay, inuu yahay ruux jecel Dalkiisa iyo Dadkiisa oo Muwaadin ah iyo Sidoo kale inuu yahay Hogaamiye aamin ah dadkana u cadaalad Sameeya, waxaa loo qaaday heeso badan oo ay ka mid tahay mid ay miraheeda ay ka mid yihiin Ummadan sanaado badan siliciyo dhib soomaray Adigay ku sugayaan ku sacabo tomayaane Maxweyneheenow soo dhawaaw.
Sidoo kale waxa ka mid ah wax yaabaha ay dadku ku jeclaadeen Mudane Farmaajo inuu mar waliba dhibta la qeybsado Dadkiisa iyo inuu yahay Hogaamiye neceb Musuq Maasuqa iyo ku takri falka Hantida Umadda iyo sidoo kale aad ugu danqabada inta taakta daran oo ay ka mid yihiin Haweenka iyo Caruurta, kuwaasi oo aad ugu badnaa inta ka qeybqaadaneysay dibad baxyadii socday, taasina waxay ka marqaati kacday markii uu ku guuleystay Tartanka Madaxweynaha ummadda Soomaaliyeed, waxaa dalka ka dhacay banaanbaxyo aad u waaweyn oo lagu soo dhaweynayay doorashadiisa, taasi ayaana kuu muujineysa sida uu ugu weyn yahay quluubta Shacabka Soomaaliyeed ee mudada dheer dagaalada ku soo jiray, waxaa kaloo aad in loo xuso ah waxaa is dhexgalay Shacabkii iyo Ciidamadii qalabka sida, waxaana la arkayay iyagoo gaari wada saaran, kuwaasi oo markii hore kala shaki ku kala jiray.
Tusaale waxaa ugu dambeeyay markii uu kulan la yeeshay Wiilkii Cabdullaahi Maxamuud Cusmaan (Daanyeeroow) oo kasoo jeeda Magaalada Jowhar, oo banan- baxyadii ka soo jeediayay hal heyskii ahaa (Ar Farmaajo ii geeya), ayaa loo geeyey Madaxweyne Farmaajo, ka dib markii uu codsaday in loo geeyo iyo Gabar iyana ka qeyb aheyd dibad- baxyadaasi ayaa sheegtay in banana-bax uu ugu dambeeyay kii ay ku taageereysay intii uu Raiisul-wasaaraha ka ahaa Dalka, taasi ayaa haddaba muujineysa in 8-da bisha Febraayo loo aqoonsado Maalinta guusha shacabka Soomaaliyeed.
W.Q:- C/laahi Ruush
