kooxo hubeysan ayaa degmada Xamarweyne saaka ku dilay mudane hore uga tirsanaa Baarlamanka.
Warka ayaa intaasi ku daraya in kooxo hubeeysan oo gaari watay ay rasaas ku fureen gaarigii uu watay Xildhibaanka hore uga tirsanaa Baarlamaankii hore ee KMG ahaa.
Marxuumka la dilay oo lagu magacaabi jiray Liibaan C/llaahi Nuur, ayaa ka tirsanaa Baarlamaankii KMG ahaa.
Weerarkaasi waxaa uu ka dhacay waddada Via Roma ee degmada Xamarweyne, iyadoo ay baxsadeen gacan ku dhiig layaashii dilka geeystay.
Ciidamada amaanka ayaa wada baaritaano la xiriira sidii gacanta loogu soo dhigi lahaa gacan ku dhiiglayaashii ka dambeeyay dilka marxuumka.
