Related posts
Gudoomiyaha Maamulka Gobolka Galgaduud Ee Dowladda Federaalka ah Ee Somalia Mudane Xuseen Cali Wehliye Cirfo oo Maanta Shir Jaraa,id ku qabtay Magaalada Dhuusa Mareeb Ee Xarunta Gobolka Galgaduud ย oo Maanta Dagaalo ay ka dhaceen ayaa waxaa uu Faah Faahin ka Bixiyay ย Dagaalkii ka dhacay Magaalada Dhuusa Mareeb kaas oo Warar soo baxay ay sheegeen in Ciidamada Dowladda iyo kuwa Ahlu Sunna uu u dhaxeeyay.
Gudoomiye Cirfo ayaa waxaa uu sheegay in Dagaalka ka dhacay Maanta Degmada Dhuusa Mareeb Ee Xarunta Gobolkaas iyo mid shalay Galinkii Dambe ka dhacay Degmada Guriceel ย in uusan u dhaxeyn Ciidanka Dowladda Somalia iyo kuwa Ururka Ahlu Sunna lkn Cida Dagaalku dhex maray ay tahay Ciidanka Dowladda iyo Kooxo Qaswadayaal ah oo sheeganaya Magaca Ahlu Sunna lkn aan ahayn.
Gudoomiyaha ayaa waxaa uu sheegay in Magaaladda Dhuusa mareeb xaaladeedu ay tahay mid dagan isla markaaana ay si Buuxda u maamulayaan Ciidamada Dowladda Federaalka ah Ee Somalia Kooxihii Weerarka ku soo qaaday Ciidamadana ay Magaalada ka saareen Isagoo ugu baaqay in ay qaska joojiyaan oo ay nabada qaataan.
Gudoomiyaha Gobolka Galgaduud oo ka hadlay Khasaaraha ka dhashay Dagaalkii Maanta ayaa waxaa uu sheegay in Ciidanka Dowladda uu hal askari kaga Geeriyooday Dagaalkaas isla markaana dhinaca kalena ay jiraan Khasaaro Bulshada Gobolka ayuuna ugu baaqay in ay is Dajiyaan Amaankana ay Ciidanku Sugi Doonaan.
