Kooxda Hull City ayaa waxaa garoonkeeda Kingston Communications Stadium 0-3 uga badiyay kooxda Newcastle United.
Kooxda Newcastle United ayaa qeybtii hore ee ciyaarta gool ku hogaamineysay,waxaana dhamu dhaliyay ciyaaryahan Remy Cabella,sidasi ayaana lagu kala nastay qeybtii hore ee ciyaarta.
Ciyaaryahan Sammy Ameobi ayaa bilowgii qeybtii labaad ee ciyaarta goolka labaad u dhaliyay kooxda Newcastle United.
Ciyaaryahan Yoan Gouffran ayaa daqiiqadii 78-aad ee ciyaarta goolka sedaxaad u dhaliyay kooxda Newcastle United.
Kooxda Newcastle United ayaa gaartay guusheedii ugu horeysay ee horyaalka ingiriiska ay ka gaarto sanadka cusub ee 2015.
Tababare John Carver oo todobaadkan ay kooxda Newcastle United sheegtay in uu kooxda sii haynayo inta ka dhiman xili ciyaareedkan ayaa aad ugu farxay guushii ugu horeysay oo uu kooxda la gaaro.
Kooxda Newcastle United ayaa kala horeynta horyaalka ingiriiska uga jirto kaalinta tobanaad,waxana ay leedahay 30-dhibcood,halka kooxda Hull City ay kamid tahay sedaxda kooxood ee horyaalka ugu hooseeya.
