Muqdisho, February 07, 2015 Ururka Suxufiyiinta Qaranka Soomaaliyeed ee NUSOJ waxaa uu goor dhaweyd ogaaday in lagu dhaawacay Koonfurta magaalada Galkacyo wakiilka wareedka Idaacada Kulmiye ee gobolka Mudug, Wariye Siraaji Yuusuf Sugaal.
Dhaawaca weriyaha ayaa haatan lagu dabiibayaa isbital ku yaala koonfurta magaalada Gaalkacyo, iyadoo aan la ogeyn sababta ka dambeysa dhaawaca wariyahaasi.
Burhaan Diini, Agaasime ku xigeenka Idaacada Kulmiye ayaa NUSOJ u sheegay in weriyaha xabbadda ku fagatay, balse ujeedku ahayn in weriyaha bartilmaameed uu ahaa.
Xoghayaha Guud ee Ururka Suxufiyiinta Qaranka Soomaaliyeed Md. Maxamed Ibrahim ayaa cambaareeyay falkaas lagu dhaawacay weriyaha, uguna baaqay maamulka Galmudug inay baaritaan deg deg ah ku sameeyaan sida shilkaas weriyaha lagu dhaawacay ku dhacay, caddaalaana ay horkeenaan.
Magaalada Galkacyo ayaa noqotay goobaha ugu khatarsan ee suxufiyiini ka shaqeeyaan, iyadoo weerarada loo geysanayo suxufiyiinta ka shaqeynaya gobolkaas ay sii bateen
