Kulan ay isugu yimaadeen haweenka ku dhaqan Muqdisho ayaa ujeedkiisu ahaa sida hawenka ku nool Qaaradda Afrika ay u sameysan lahaayeen iskaashi horumarineed oo dhexdooda ah, kaasi oo ay soo qabaanqaabiyeen Uruurka dhallinyarada Qaranka Soomaaliyed, ayna ka qeyb galeen xubno ka socday โInternational Image Films for Womenโ iyo kuwa kale oo ka socday ururrada haweenka ee ku sugan Muqdisho.
Kulanka ayaa intii uu socday waxa ay ururkan ku soo bandhigeen muuqaalo ka turjumaya sida ay haweenka dhexdooda u sameyn karaan horumar iyo iskaashi wax wada qabsi, waxaana muuqaaladaasi la soo bandhigay ay ahaayeen kuwa laga soo uruuriyay Soomaaliya iyo Nigeria.
Related posts
Guddoomiyaha ururka dhalinyarada Qaranka Faadumo Cabdi Warsame oo ugu horeyn kulanka hadal kooban ka jeedisay ayaa sheegtay in haweenka Soomaaliyeed ay yihiin kuwa muujiyay doorka ay ku leeyihiin horumarka dalka, waxaana ay haweenka ka codsaday in ay ka faaโiideystaan fursaddan.
Karen Mukwasi oo xubin ka ah ururka International Image Films for Women ayaa tilmaamtay in haweenka Soomaaliyeed horumarka ay sameeyeen darteed ay tahay sababaha ay Muqdisho u yimadeeen, ayna qorsheyneyaan sidii loo sameyn lahaa wada shaqeyn dhexmarta haweenka ku nool Qaaradda Afrika.
Kulanka ayaa waxaa laga dooday arragti ku aadan sida loo horumarin karo haweenka Qaaradda Afrika, waxaana qaar ka mid ah haweenkii goobta ka hadlay ay hoosta ka xariiqeen in ay dhankooda diyaar u yihiin inay wax la qeybsadaan haweenka dhigooda ah ee ku nool Qaaradda Afrika, waana caasimaddii afaraad ee lagu qabto shirkan looga hadlayo aayaha haweenka Qaaradda Afrika.
Sawir Qaade:- Maxamed Cabdullaahi Feereysane
