Hay’ad laga leeyahay dalka Boqortooyada Sacuudiga ayaa maanta deeq raashinka ah oo loogu talaglay dadka danyarta ah ee ku nool degmooyinka Jowhar iyo Balcad ee gobolka Shabeelaha Dhexe u qeybisay qoysas halkaasi ku nool.
Deeqda oo isugu jirta bariis, sonkor, bur iyo timir ayaa waxaa ka faa’iideystay kun iyo shan boqol oo qoys oo ku nool degmada Jowhar ee xarunta Gobolka Shabeelaha Hoose, halkaasi oo uu goob joog ka ahaa Xildhibaan Qaasim oo ka tirsan baarlamaanka Federaalka ah ee Soomaaliya.
Sidoo kale deeqdan tan la mid ah ayaa waxa ay hay’adan laga leeyahay dalka Sacuudiga u qeybisay kun iyo shan boqol oo qoys oo ku nool degmada Balcad , kuwaasi oo intii gacanta ka geysatay qeybinta raashinka uga mahadceliyay.
Agaasimaha Geeska Afrika ee Hay’adda Xamla Wadaniyad ee dalka Sacuudiga Sacad Muhanad Asuweyd oo hadal kooban goobta qeybinta raashinka ka jeediyay ayaa tilmaamay in deeqda ay tahay mid loogu talagalay qoysaska danyarta ah, ayna sii wadayaan caawinta bulshada Soomaaliyeed.
Guddoomiyaha Degmada Balcad Maxamuud Maxamed Axmed ayaa hay’adda uga mahadceliyay kaalmada ay la soo gaartay qoysaska danyarta ah ee ku nool degmada Balcad ee gobolka Shabeelaha Hoose, waxaana uu intaa ku darayin ay gaarsiiyeen dadkiii loogu talagalay, isla markaana ay ku soo beegantay xilli loo baahnaa.
Hay’adaha samafalka ee ka howlgalla dalka ayaa wixii ka dambeeyay markii ay dhalatay bisha Ramadaan waxa ay wadeen caawinta bulshada Soomaaliyeed, gaar ahaan qoysaska danyarta ah.
