Kulan looga hadlayay horumarinta dhaqaalaha gobolka Hiiraan ayaa maanta lagu qabtay magaalada Beledweyne ee xarunta gobolka Hiiraan.
Kulankan oo uu soo qaban qaabiyay maamulka gobolka Hiiraan ayaa waxaa ka qeybgalay xubno ka socday qeybaha bulshada gobolka, aqoonyahanno iyo heyโadaha gargaarka, waxaana looga hadlay sida loo horumarin karo wax soo saarka dalagyada beeraha, ganacsiga ย iyo sidii loo abuuri lahaa koboc dhaqaale oo mug leh.
Related posts
Macalin Cismaan Cabdi Qalafoow oo ah guddoomiyaha degmada Beledweyne oo ka hadlay kulanka ayaa tilmaamay in horumar dhaqaale lagu gaari karo wada shaqeynta maamulka iyo bulshada, isagoo ka codsaday bulshada iney maamulka kala shaqeyaan dhinaca horumarka dhaqaalaha.
โWaxaan diyaar u nahay hadaan nahay maamulka degmada Beledweyne inaan horumarino adeegyada bulshada waxqabadkeenana aan tusno heyโadaha gar gaarka si ay u arkaan waxqabadkeenaโ ย ayuu yiri gudoomiyaha degmada Beledweyne.
Intii uu kulanka socday ayaa la isku weydaarsaday afkaar iyo tusaalooyin lagu gaari karo horumarka dhaqaaleaha gobolka Hiiraan, kuwaasoo ay ka mid ahaa ahaayeen in Shaqooyin la abuuro,ย ganacsiga oo la dhiirigeliyo lana helo suuqyo hufan, in la helo maalgashi bartilmaameed leh iyo arrimo kale.
