Dowladda Talyaaniga iyo hayโadda UNHCR ayaa magaalada Nairob ee xarunta dalka Kenya ku kala saxiixday heshiis lacageed oo ay Talyaaniga ugu talagashay in lagu caawiyo qaxootiga ka so cararaya dalka Yemen eeย ku sugan gudaha dalka Soomaaliya.
Munaasabad kooban oo ay heshis ku kala saxiixanayeen dowladda Talyaaniga iyo hayโadda Qaxootiga u qaabilsan Qaramada Midoobay ee UNHCR ayaa waxa ka qeyb galay Safiirka Soomaaliya ee Kenya Danjire Jamaal Maxamed Xasan,qunsulka safaarada soomaaliya ee dalka Kenya Cali Maxamed Shiikh (Cali Begadi) safiirka Talyaaniga ee Soomaaliya Danjire Fabrizio Marcelli, wakiil ka socday UNHCR, wakiilka gaarka ah ee Soomaaliya u qaabilsan xaquuqda caruurta iyo tahriibayaasha Maryan Yaasiin Xaaji Yuusuf iyo masโuuliyiin kale.
Related posts
Heshiiskan ay kala saxiixdeen dowlada Taliyaaniga iyo UNHCR oo ahaa deeq lacageed oo gaareysa 1.4 milyan oo Euro ayaa loogu talo galay in lagu caawiyo dib u dejinna loogu Sameeyo qaxootiga ku sugan Soomaaliya ee ka soo qaxay dalka Yeman.
Markii uu kulanka soo idlaaday kadib ayaa waxaa Warbaahinta Qaranka la hadlay Safiirka Soomaaliya ee Kenya Dajire Jamaal Maxamed Xasan oo tilmaamay in heshiiskan uu qeyb ka yahay wax u qabashada qaxootiga Soomaaliyeed ee ka soo cararaya dalka Yemen.
โHeshiiska ay kala saxiixanayeen dowladda Talyaaniga iyo hayโadda UNCHR, sababta waxa ay ahayd hal milyan oo lacagta Euro ah, oo ay Talyaaniga ugu deeqday UNHCR, lacagta waxaa loogu talagalay in wax loogu qabto dadka ka yimid Yemen ee ka soo cararay dagaalada dalkaasi ka taagnaa, waxaana ay noqoneysa in sahay safar looga dhigo dadka doonaya in la gaarsiiyo gobollada kale ee dalkaโ ayuu yiri Danjire Jamaal.
Sawir qaade:Cabdiqaadir Cali Xuseen (Koronto)
