Madaxa qaramada midoobay ee dalkani Kenya Ambassador Zahle ayaa xafiiskeeda ku qaabishay danjiraha dowlada soomaaliya u fadhiya dalkani kenya Jamaal Maxamed Xasan oo uu wehliyay qunsulka safaarada Cali Maxamed Shiikh Cali bagadi,isagoo safiirku ku wareejiyay wakiilka Qaramada Midoobay ee dalkani kenya warqadihiisa aqoonsiga ee cadeynaya in uu yahay safiirka dowlada Soomaaliya uga wakiilka ah Kenya,iyadoo ka gudoontay si rasmi ahna u aqoonsatay Danjire Jamaal Maxamed Xasan.
Safiirka ayaa saxiixay buuga danjirayaasha dowladaha caalamka u fadhiya kenya ee xafiiska Qaramada midaabay, intaasi kadibna safiirka iyo qunsulkaba ayaa kulan la qaateen Mss Zahle wakiilka Qaramada midoobay ee dalkani kenya waxayna ka wada hadleen sidii loo balaarin lahaa wada shaqeynta ka dhaxeysa safaarada soomaaliya iyo xafiiska Qaramada midoobay ee Kenya.
Danjire Jamaal Maxamed Xasan ayaa Ambassador Zahle uga warbixiyay xaaladihii ugu danbeeyay ee dalka soomaaliya.
Kulankaasi markii uu soo idlaaday ayuu qunsulka safaarada soomaaliya ee kenya mudane Cali Maxamed Shiikh Cali bagadi waxa uu ka warbixiyay kulanka dhex maray safiirka Soomaaliya ee Kenya iyo wakiilka Qaramada midoobay ee Kenya.
Cali Begadi ayaa sheegay in danjire Jamaal Maxamed Xasan uu kala hadlay madaxa qaramada midoobay ee dalkani Kenya sidii ay u wada shaqeyn lahaayeen safaarada iyo xafiiska qarmada midoobay iyo sidii safaarada uga ogaan lahayd waxyaabaha ay qaramada midoobay ka qabaneyso Soomaaliya.
