Iyadoo ay jiraan abaaro iyo biyo la’aan sii kordheysa oo ka jira qaar ka mida deegaanada Gobalka mudug ayaa waxaa masuuliyiin iyo xildhibaano ka tirsan kuwa dowlad gobaleedka Galmudug waxay kormeer ku aadan xaaladaha abaaraha iyo biyo la aantaa ku tageen qaar ka mid ah deegaanada hoostaga dagmada Bacaadweyne ee Gobalka mudug kuwaasi oo ay
ka jirto abaaro iyo biyo la aan xoogan.
Masuuliyiintaan ayaa markii ay gaareen dagmada bacaadweyne oo qiyaa ahaan dhanka koofur bari kaga beegan magaalada Galkacyo ilaa iyo 190km waxa ay warbixino ku aadan xaaladahaasi ka dhageysteen masuuliyiintii maamulka dagmada bacaadweyne.
Xoghayaha maamulka Bacaadweyne Maxamed Axmed Cali ayaa ugu horeyn ka warbixiyay halka ay marayaan xaaladaha abaaraha iyo biyo la aanta ka jirta deegaanadaasi waxaana uu sheegay in haatan biyo la aantu ay taagan tahay meeshii ugu xumeyd dadkuna aysan helin wax biyo dhaamin ah.
Waxaan ku faraxsanahay in aad nala argataan xaalada abaaraha iyo biyo la aanta ka jirta dagmada bacaadweyne iyo deegaanada hoostaga ddlkaas oo ka kooban ilaa lix iyo toban barood ama tuulo oo bacaadweyne hoos yimaada wax biya heysta laba meelood meel ma lahan wax biyo ah inkastoo biyo dhanaan qaarkood leeyihiin dadkii iyo xoolihiina cuduro ayeeyba ka qaadeen waxaana haatan dhamaan deegaanadaasi ay u baahan yihiin gar gaar caalamiya oo biyo dhaamis ah” ayuu yiri xoghayaha maamulka dagmada bacaadweyne Maxamed Axmed Cali.
Gudoomiyaha Gobalka mudug Mudane Aweys Cali Saciid oo maanta isna kula hadlay warbaahinta magaalada galkacyo ayaa ka warbixyay waxyaabihii ay ku soo arkeen deegaanadii ay gaareen waxaana uu sheegay in guud ahaan deegaanada u dhaxeeya Qeydaro iyo Bacaadweyne ee ay ka jirto xaalado abaaro iyo biyo la aaneed islamarkaana u baahan in loo
gurmado dadka iyo duunyada halkaasi ku nool isagoona xusay in meelaha ugu daran ay yihiin tuulooyinka Baraag iyo laas gacameey
Gudoomiyaha ayaa ka dhawaajiyay in meelaha qaar fuustada biyaha ah ay ka marayso ilaa 20 doolar oo uu dhiganta 445000 afar boqol afartan iyo shan kun oo shilinka Soomaaliga ah.
Biyo la aanta iyo abaaraha isa sii taray a ee ka jira deeganada Gobalka mudug qaarkood ayaa sababay in qoyasas fara badan oo xoolo dhaqataa ay ka barakaceen deegaanadii ay ku noolaayeen kadib markii saameeyn xoogan ay ku yeesheen abaaraha iyo biyo la aanta.
Waxaa Diyaariyay Wariye C/risaaq Maxame Axmed Galkacyo
