Si la mid ah dunida kale oo dhan, dowladda Soomaaliya waxay si adag u cambaareysay weerarradii argagixiso ee Jimcihii ina dhaafay ka dhacay magaalada Paris ee caasimadda Faransiiska, kuwaas oo ay ku dhinteen in ka badan 120 qof oo rayid ah.
Madaxweynaha Jamhuuriyadda Xasan Sheikh Maxamuud ayaa sheegay in uu aad uga naxayย ugana murugoodayย weerarkii macno darrada ahaa ee argagixisadu ka geysteen Paris, waxa uuna sheegay in ay garab taagan yihiin shacabka reer Fransa.
Related posts
Madaxweynaha ayaa tacsi u diray dhiggiisa Faransiiska iyo ehelada dadkii ku naf waayay weerarradii bahalnimo ee Paris.
Raโiisulwasaaraha Xukuumadda Federaalka ah ee Soomaaliya Mudane Cumar Cabdirashiid Cali Sharmaโarke ayaa isaguna yiri โ ย Waxaan si xoog leh u cambaareynayaa weerarkii baniโaadminimada ka dhanka ahaa ee Paris,waxaanna tacsi u dirayaa dadkii waayay kuwii ay jeclaayeenโ.
In ka badan 127 qof ayaa la xaqiijiyay in ay ku dhinteen qaraxyo, toogashooyin in falal afduub oo ka dhacay garoon kubbadeed, masrax iyo makhaayado ku yaalla magaalada Paris ee dalka Faransiiska.
200 oo qof dad ka badan ayaa ku dhaawacmay weerarradan oo ay fuliyeen niman hubeysan oo qaarkood ay is qarxiyeen, halka kuwo kalena ay rasaas oodda uga qaadeen dad ku jiray masrax ka dib markii ay goโdoomiyeen.
Madaxweynaha Faransiiska, Fransua Holland ayaa sheegay in weerarka Paris uu yahay dagaal ka dhan ah France,waxa uu dhawaaqayย xaalad deg deg ah iyo 3 maalmood oo baroor diiq ah, waxa uuna amray in la xiro xuduudda Faransiiska.
Waa weerarkii ugu dhiigga badnaa ee Faransiiska ka dhaca qarnigan.
Kooxda argagixisada ah ee Daacish ayaa sheegatay masโuuliyadda weerarkan.
Hoggaamiyeyaasha dalalka caalamka ayaa si kulul u cambaareeyay weerarrada argagixiso ee Paris, waxa ayna ballan qaadeen in ay iska kaashan doonaan la dagaallanka argagixisada.
