Danjiraha Soomaaliya ee dalka Indonesia ayaa kulan la qaatay Madaxweynaha dalkaasi Joko Widodo, kaasi oo ka dhacay magaalo madaxda dalka Indonesia ee Jakarta.
Ujeedada kulankan ayaa ahaa sidii loo sii xoojin lahaah xiriirka diblomaasiyadeed ee ka dhexeeya labada dalka Soomaaliya iyo Indonesia, sidoo kale kulanka intii uu socday waxaa ay kawada hadleen masโuuliyiinta qaban qaabada booqasho rasmi ah oo lafilayo in Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxmuud uu ku tegi doono dalkaasi Indonesia..
Safiirka Soomalaiya u fadhiya dalka Indonesia Danjire Cabdixakiin Ugaas Cali Yaasiin ayaa tilmaamay in Madaxweynaha Indonesia ay isla meel dhigeen arrimo badan oo ay ugu horeyso xoojinta xiriirka labada dal.
Calanka Jamhuuriyadda Soomaaliya iyo kan dalka Indonesia ayaa ka dul babanayaay xaruunta Madaxtooyyada dalkaasi, ayadoo ciidamada bambayda ay salaam sharaf siinayeen masโuuliyiintan
Dhawaan ayay ahayd markii Madaxweynaha daljka Indonesia uu warqadihii aqoonsiga safiirnimo ka guddoomayay safiirka soomalaiya ee dalkaasi, taasi oo ku dareensiinaysa sii xoogaysiga horuamarada dhanka diblomaasiyada oo dowladda Soomaaliya ay ka soo haysay xiriirka kala dhexeeya dowladaha caalamka.
