Safiirka Soomaaliya ee Cumaan oo laga guddoomay warqadihii aqoonsiga safiirnimo “SAWIRRO”

Suldaanka Saldanada Cumaan Suldaan Qaabuus Bin Siciid ayaa waraaqahii aqoonsiga Danjirenimo ka guddoomay Safiirka Soomaaliya ee Cumaan Danjire Cabdirisaaq Faarax Cali (Taano).

Safiirka ayaa ugu horreyn salaan sharaf kaga qaatay Qasriga Suldaanka Cutubyo ka tirsan Ciidanka Muusikada Dalka Cumaan, kadibna waxaa uu uga sii gudbay guddaha Qasriga weyn ee Suldaanka halkaas oo looga guddoomay Waraaqaha Aqoonsiga.

Related posts

Ra’iisul Wasaare Ku-xigeenka Labaad XFS oo daah-furay Qorshaha iyo Ka-jawaabista xaaladda Beni’aadannimo ee dalka

January 26, 2026

𝐑𝐚’𝐢𝐢𝐬𝐮𝐥 𝐖𝐚𝐬𝐚𝐚𝐫𝐞 𝐗𝐚𝐦𝐬𝐚, 𝐨𝐨 𝐝𝐡𝐚𝐠𝐚𝐱 𝐝𝐡𝐢𝐠𝐚𝐲 𝐝𝐡𝐢𝐬𝐚𝐦𝐚𝐡𝐚 𝐱𝐚𝐫𝐮𝐧𝐭𝐚 𝐝𝐡𝐞𝐱𝐞 𝐞𝐞 𝐖𝐚𝐬𝐚𝐚𝐫𝐚𝐝𝐝𝐚 𝐌𝐚𝐚𝐥𝐢𝐲𝐚𝐝𝐝𝐚 𝐉𝐅𝐒

January 26, 2026

Intaa kadib, Danjire Cabdirisaaq Faarax Cali Taano waxa uu kulan gaar ah la qaatay Suldaan Qaabuus bin Siciid, isagoo u gudbiyay Salaan uu uga siday Madaxweynaha Jamhuuriyadda Soomaaliya Mudane Xasan Sheekh Maxamud, sidoo kale Suldaanka ayaa Danjiraha ka codsaday in uu salaan taa lamid ah ka gaarsiiyo Madaxweynaha Soomaaliya.

Kulankan gaarka ah ee Danjiraha iyo Suldaanka ayaa sidoo kale looga hadlay xoojinta xiriirka walaaltinimo ee labada dal iyo in ay dowladda Cumaan ee aan walaalaha nahay gacan ka geysato dib u dhiska Soomaaliya.

Munaasabaddan waxaa Danjiraha kala qeybgalay Taliyaha Hoggaanka Socdaalka iyo Jinsiyadaha Qaranka Mudane Cabdullahi Gaafow Maxamud, oo safar shaqo ku jooga Cumaan iyo Xoghayaha Koowaad ee Safaaradda Mudane Raage Cumar.