Wasiirka Warfaafinta Dhaqanka iyo Dalxiiska Xukuumadda Federaalka Soomaaliya oo maanta bahda warfaafinta Shir jaraa’id ugu qabtay Xafiiskiisa ayaa ka hadlay Sharciga Cusub ee Saxaafadda oo dhawaan Baarlamanka Soomaaliya uu Ansixiyay.
“Waxaan u mahadcelinayaa Baarlamaanka Soomaaliya gaar ahaan Guddiga Warfaafinta ee Baarlamaanka oo runtii Xoog badan saaray in ay kabaan sharcigii ka soo Gudbay Golaha Wasiirrada iyo Dhammaan intii ka soo shaqeysay diyaarinta sharcigaan” ayuu yiri Wasiir Maareeye.
Wasiirka Maareeye ayaa soo dhaweyn kaddib ku tilmaamay sharcigaan cusub ee Saxaafadda in uu fursad siindoono wariyayaasha Soomaaliyeed isla markaana uu sahli doono in si fudud ay Awood Ballaaran ugu yeeshaan qabsashada shaqadooda.
“ku dhawaad 9 sano ayuu ku wareegayay Sharcigaan bahda uu quseeyo Sida Dowladda, Warbaahinta Madaxa bannaan ee Soomaaliyeed, Dhageystayaasha, kulamo Badan iyo wada-tashiyo kaddibna ugu Dambayntiine waxa uu maray Sharcigaan in Baarlamaanka uu meelmariyo”
Sharciga Cusub ee Saxaafadda Soomaaliya ayaa ansixintiisii Baarlamaanka kahor waxa uu soo maray Marxalado kala duwan oo sababay in dhowr jeer uu dib udhac ku yimaado.
Halkaan ka dhageyso Shirka Jaraa’id ee Wasiirka
Sawir Qaade:- Maxamed Feereysane
