Kulankan xog isweydaarsiga ah oo ay soo qaban qaabisay Wasaaradda Haweenka iyo Xuquuqda Aadanaha ayaa waxaa ka qeyb galay wakiilo ka socday ururro ka jira dalka, kaasi oo looga hadlayay sidii loo xoojin lahaa lahaa wada shaqeynta ka dhaxeyso Wasaaradda iyo ururrada haweenka ee dalka jira.
Kulanka ayaa intii uu socday waxaa diiradda lagu saaray siyaabaha lagu xoojin karo wada shaqeynta ka dhexeysa ururrada u dooda xuquuqda iyo wasaradda, waxaana la isla meel dhigay in si wada jir ah looga qeyb qaato ilaalinta xadgudubyada ka dhanka ah jinsiga.
Agaasimaha Waaxda Jinsiga ee Wasaaradda haweenka iyo horumarinta xuquuqda Aadanaha Sacdiyo Maxamed Nuur ayaa sheegtay in kulamada nuucaani ay yihiin kuwa la isku xogwareysanayo, isla markaana lagu xoojinayo wada shaqeynta ay la leeyihiin Wasaaradda.
Agaasimaha Guud ee Wasaaradda haweenka iyo horumarinta xuquuqda Haweenka Maxamed Cumar ayaa faah faahin ka bixiyay muhiimadda uu kulankan leeyahay.
Wasaaradda Haweenka ayaa xoojineysa xiriirka wada shaqeyn ee kala dhexeeya ururrada u dooda xuquuqda haweenka, si loo helo qorshe mideysan oo looga hortagayo xadgudubyada ka Dhanka ah dumarka.
\ 
Sawir Qaade: Maxamed C/laalhi Feereysane
