Guddi sagaalka xubnood ah oo saxaafadda Soomaaliya ay u xilsaartay xalinta khilaafkii muranka badan dhaliyay ee u dhaxeeyay labada garab ee ururka suxufiyiinta Qaranka Soomaaliyeed ee NUSOJ ayaa maanta ka warbixyay howlihii dhex dhexaadinta ahaa ay wadeen maalmihii ugu dambeeyay iyagoo sheegay in si gaar gaar ah ay ula kuleem labada garab oo ay xal kama dambeys ah ka gaareen arintaas.
Ismaaciil Sheekh Khaliif oo ka mid ah gudigaas ayaa sheegay in garabyada NUSOJ ee isla khilaafsan ay la kulmeen oo ay natiijo wanaagsan ka gaareen arintaasi, wuxuuna ka codsaday Wasaarada Warfaafinta, Dhaqanka iyo Dalxiiska ee Soomaaliya, Beesha Caalamka iyo hayโadaha caalamka ee taageera saxaafadda in arintaas ay ku taageeraan.
Related posts
Cabdi Maalik Yuusuf Maxamed oo ah milkiilaha Idaacada Shabeele ayaa sheegay in talada saxaafada Soomaaliya ay ku jirto gacanta guddiga, ujeeddada gudiganna ay tahay in la helo hogaan mid ah oo uu leeyahay ururka suxufiyiinta Qaranka Soomaaliyeed ee NUSOJ islamarkaana wakiil ka ah guud ahaan saxafiyiinta Soomaaliyeed.
Guddigan ayaa ka kooban sagaal xubnood oo ay iska soo dhxe xuleen guud ahaan saxaafadda Soomaaliya, waxaana loo xilsaaray in uu xaliyo khilaafaadka ka dhex jira labada garab ee ururka Saxafiyiinta Qaranka Soomaaliyeed ee NUSOJ ,waxaana dhawaan Wasaarada Warfaafinta Soomaaliya ay sheegtay in xilligan aanu jirin hogaan uu leeyahay ururka NUSOJ loona baahanyahay in saxafiyiinta Soomaaliyeed ay doortaan hogaan ay ku mideysanyihiin.
