Munaasabadan oo ay soo qaban qaabiyeen ururada bulshada Ra’yidka ayaa wax aka qeyb galey culumaa’udiin, waxgarad, Hogaanada dhaqanka, haween iyo qeybaha bulshada waxaana looga soo horjeeday eedeymaha salka iyo raadka toona aan laheyn ee ay hay’adaha dowladda’ aqoonyahanada, ganacsatada Soomaaliyeed kaso diyaariso markasta kooxda lasocodka cunaqabateyta hubka saran Soomaaliya iyo Eretria ee monitoring group.
Intii uu kulanka socday ayaa waxgaradka iyo hogaanka dhaqanka ee ka hadlay goobta ayaa ka sheekeeyay dhibaatooyin dib u dhigaya hanaanka dowladnimo, isla markaana lagu waxyeeleynayo sumcadda shaqsiyaadka magaca ku leh bulshada, taasi oo kooxda Monitoring group ay marwaliba ku howlantahay soo saarista warbixinno been buur ah.
Sheekh Xasan Sheekh Axmed Siyaar, Sheekh Cabdiqaadir Soomow oo ka mid ah culimaa’udiinkii kulanka ka hadlay ayaa si isku mid ah u xusay in warbixinada Monitoring group ay yihin kuwa lagu wiiqayo Qaranimada Soomaaliya.
Guddoomiye ku-xigeenka ururka haweenka Qaranka Canab Xasan Cilmi iyo Caasho Shaacuur oo ka mid ah ururada bulshada rayidka ayaa ku baaqay in laga wada shaqeeyo sidii loogu midoobi lahaa ka hortagga wararka been abuurka ah ee ay faafineyso kooxda Monitoring group.
Ugaas Cabdullaahi Ugaas Fara-cadde iyo Maxamed Xasan Xaad oo ka mid ah odoyaasha dhaqanka oo ugu dambeyn kulanka ka hadlay ayaa ugu baaqay Qaramada Midoobay iyo beesha caalamka inay wax ka qabato kooxda dooneyso inay dib ugu celiso Soomaaliya dhibaatooyinkii laga so gudbay.
Sawir Qaade:-Maxamed Cabdullaahi Maxamed Feereysane
