Deeqdan oo ka kooban gaadiid isugu jira noocyada gargaarka deg dega ah, gaadiidka ciidanka, booyad iyo kuwa raaxada oo ay ku jiraan noocyada aan xabada karin ayaa safaaradda dowlada Imaaraadka ee Soomaaliya waxa ay ku wareejisay Madaxweynaha maamulka koonfur galbeed Soomaaliya.
Safiirka Dowladda Imaaraadka carabta ee Soomaaliya ayaa ka hadlay deeqdan gaadiidka ah oo ay ku wareejiyeen maamulka Koonfur Galbeed Soomaaliya oo uu sheegay inay tahay mid ay ugu talagaleen maamulka, halka kuwa raaxada ay u isticmaalayaan soo dhaweynta madaxda kale ee tegta deegaanada Maamulka Koonfur galbeed.
Madaxweynaha Maamulka Koonfur Galbeed Soomaaliya Mudane Shariif Xasan Sheekh Aadan ayaa uga mahad celiyay safaaradda Imaaraadka ee Soomaaliy deeqdan gaadiidka ah oo ay ku wareejisay maamulkiisa, isagoo ku tilmaamay tallaabo aad u wanaagsan.
Dowladda Imaaraadka ayaa waxa ay ka mid tahay dowladaha taageera Soomaaliya waxaana maamulka koonfur galbeed Soomaaliya deeqdan lagu wareejin ay wax badan ka tari doontaan dhinacyo kala duwan oo ay ka mid tahay dhinaca caafimaadka.
