Wasaaradda Arrimaha Gudaha iyo federaalka Xukuumadda Soomaaliya ayaa maanta Deeq raashin ah gaarsiisay dekedda magaalada kismaayo, ee xarunta Jubbada Hoose, iyad oo Deqdaan uu Gudoomay Maareeyaha Dekeda kismaayo Mudane Axmed Xaaji Aadan.
Raashinkaan ayaa waxa ku deeqday Dowladda Turkiga iyada oo la soo marsiiyay Wasaarradda Arrimaha Gudaha iyo faderaalka Xukuumadda Soomaaliya. Maareeyaha Dekada Kismaayo Mudane Axmed Xaaji Aadan ayaa uga mahad celiyay Wasaarada iyo Dalka Turkiga Deeqadaan, wuxuuna sheegay in raashinkaan la gaarsiin doono dadka maskiinta ah oo ay u qeybin doonaa sidii loogu talagalay .
