Munaasabad si heer sare ah loo soo agaasimay laguna soo bandhigayay musharaxnimada xildhibaanka Qaran ee Mina Xasan Shibis ayaa maanta lagu qabtay Hotelka Global ee magaalada Muqdisho.
Xaflada waxaa ka qeybgalay xildhibaanno ka tirsan Baarlamaanka Soomaaliya aqoonyahanno, xubno ka socday qeybaha bulshada, haween kooxda fanaaniinta Shamsudiin iyo marti sharaf kale oo lagu casuumay.
Kooxda Fanaaniinta Shamsudiin ayaa munaasabadda ku soo bandhigtay heeso wadani ah iyo kuwo ka tarjumayay waxqabadka Drs. Mina, taasoo ay jecleysteen dhamaan ka qeybgalayaashi xafladaasi.
Wasiirki hore ee maaliyadda Xildhibaan Saalim Caliyoow Ibroow, Prof. Dhalxa iyo mas’uuliyiin kale oo munaasabadaasi ka hadlay ayaa si isku mid ah u qiray in Drs. Mina Xasan ay mudantahay in loo doorto xubin ka mid ah baarlamanka Federaalka Soomaaliya.
Drs. Mina oo munaasabadda soo gudaanaday ayaa tilmaantay in ay tahay musharax u taagan xildhibaan qaran kaddib markii ay ku dhiirigeliyeen bulshada gobolka Banaadir, waxeyna hoosta ka xariiqday iney si wadaniyad iyo dadnimo leh ay ugu adeegi doonto dhamaan ummadda Soomaaliyeed ee tabaaleeysan.
Taariikh Noloeedka Drs. Mina Xasan.
Waxey ku dhalatay degmada Shibis ee gobolka Banaadir waxbarashadeeda dugsiga sare ilaa heer jaamacadeed waxeey ku dhameysatay Muqdisho.
Meelo kala duwan ayeey ka soo shaqeysay sida wasaaradda caafimaadka, Bisha cas ee Soomaaliya oo ay ku biirtay muddadii uu dalku ku jiray dagaallada iyo gaajo iyadoo kaga soo shaqeeysay si mutadawacnimo ah xarumaha barakacayaasgha waqtigaas.
Kaddib waxeey madax ka noqotay kana mid aheyd aas aasayaashi isbitaalki Keysaneey ee magaalada Muqdishom halkaaso ay ka suuragelisay in laga helo adeeg caafimaad oo tayo leh si bilaash ahna dadka Soomaaliyeed ku heli jireen, waxa ayna agaasime ka soo noqotay isla isbitaalka Keysaneey iyadoo sidoo kale soo noqotay xiriiriyaha caafimaadka dalka ee hey’ada bisha cas intii u dhaxeeysay 1991-2004-ti.
Waxa ay sanadkii 2001 ku soo biirtay ganacsatada Soomaaliyeed iyadoo gacan iyo taageero ka heleeysay Allaha u naxariistee aabaheed Xasan Maxamed Maxamuud “Xasan Shibis” waxa ay la soo shaqeeysay xiriirka kubbada cagta Soomaaliyeed oo ay u aheyd Dhaqtarka guud ee ciyaartooyda Soomaaliyeed.
Sanadki 2008-2009 waxeey la taliye sare ka soo noqotay xafiiska R/wasaaraha Soomaaliya oo uu xiligaasi ahaa Nuur Cadde, dowladaasi oo lagu xasuusto iney dalka ku hoggamisay dib u heshiisiin iyo heerka maanta la joogo ee dowladnimo.
Sanadkii 2006-dii waxey ka mid aheyd Drs. Mina aas’aasayaashii hey’adda nabadda iyo horumarinta ee JUMBO taasoo xiligan dalka ka wadda shaqooyin bani’aadanimo iyo kuwo horumarineed, waxaana fursado shaqo ka helay dad kor u dhaafaya 200 qofood.
2014 illaa xiligan la joogo waxeey ka tirsantahay wasaaradda haweenka iyo horumarinta xuquuqun insaanka Soomaaliya iyadoo ka ah xiriiriye, waxeyna ka qeyb qaadatay oo door ku laheyd siyaasado kala duwan oo dalka loo dejiyay, sida sharciga xuquuqda caruurta, waxey sidoo kale kaaliye sare ka haeyd dejinta iyo dhameystirka qorshe howleedka ciribtirka xadgudubyada loo geysto haweenka xiliyada colaadda.
Maanta oo ah 2/10/2016 waxey si rasmi ah isugu soo taagtay musharaxna u tahay xilka xildhibaanimo ee heer qaran ee Jamhuuriyada Federaalka Soomaaliya.
