Waxaa magaalada Jowhar ee xarunta Gobolka Shabeelaha dhexe lagu soo gabo gabeeyay munaasabadda dhaarinta Xildhibaannada baarlamaanka Dowlad goboleedka Hirshabeelle, kaasi oo ay ka qeyb galeen mas’uuliyiin kala duwan.
Wasiirka Arrimaha gudaha iyo Federaalka ee Xukuumadda Soomaaliya Mudane Cabdiraxmaan Maxamed Xuseen “Odowaa” ayaa goob joog ka ahaa, waxaana la dhaariyay 73, mudane, iyada oo tirada maanta hoolka ku xarootay ay gaareysay 80 Xildhibaan.
Wariye Cabdishakuur Cali Axmed oo ka tirsan Warbaahinta Qaranka ayaa ku soo waramay in howsha dhaarinta ay ku soo idlaatay si guul ah.
