Sahro Xundubey Jiilaal waxa ay qabtaa Cudrka (Fung) oo ay Soomaalida dhahaan (juudaanka) sida ay dhakhaatiirtu isku raaceen, waana mid leh astaamo ay ka mid yihiin nabaro jirkeeda googooyay, iyadoo meelo ka mid ah jirkeeda uu is badalay, gaar ahaan lugaha, gacmaha iyo meelo kale oo aan muuqan.
Isbitaalo ku yaala Muqdisho oo ay ka mid yihiin Isbitaalka fiqi, Masaarida, Caaggane, bushkuleeti’ baashaal, Buurane, iyo Digfeer ayaa dhaqaatiirta ka howlgasha waxa ay sheegeen in xaaladda gabadhan an dalka waxba looga qaban karin sidaasi darteena loo baahanyahay in loo qaado dibadda si loogu soo daweeyo.
Ruqiyo Xunduby Jiilaal waxa ay la dhalatay dhibanahan xanuunsan Sahro Xundubey Jiilaal oo ay heysaa in ka badan 5-san, iyadoo kala daashay xarumo caafimaad oo dalka ku yaalo, waxa ayna codsaneysaa in la caawiyo.
“Waxaan ka codsanayaa dadka Soomaaliyeed ee muxsiniinta ah iyo cid kasta oo u damqaneysa walaasheena xanuunsan in ay nagu caawiyaan wixi ay kari karaan maadaama an xaaladeena dalka waxba looga qabankarin, wax dhaqaale ahna ma heysto ee waxa aan markale ka codsaana dadka Soomaaliyeed, Dowladda iyo Hey’adaha deeq bixiyayaasha ah inay igu caawiyaan sidii walaashey loogu heli lahaa caafimaad dibadda ah” ayeey tiri Ruqiyo Xunduby Jiilaal
Haddaba qofkii caawin kara walaasheen dhibban ee ku nool xaafad ka mid ah degmada Waabari, waxa ay la xiriiri kartaa walasheed Ruqiyo Xundubey Jiilaal oo laga helo Tel: +252615038918 / +252615852873.
