Wasaaradda arrimaha dibaddaย Soomaaliya ayaa dhambaal farriin ah oo ka timid Madaxweynaha Jamhuuriyadda Federaalka Soomaaliya mudane Maxamed Cabdullaahi Maxamed gaarsiisay maanta oo arbaco ah dhiggiisa waddanka Kenya mudane Uhuru Kenyatta.
Wasiirka arrimaha dibadda Soomaaliya mudane Cabdisalaan Hadliye Cumar iyo qunsulka safaaradda Soomaaliya ee Kenya ahna kusimaha safiirka Cali Maxamed Sheekh Bagadi ayaa madaxtooyada Kenya ku booqday madaxweyne Kenyatta, ayaga oo ku wareejiyay dhambaalka madaxweyne Farmaajo.
Related posts
โWaxaan la kulmay Qunsulka Soomaaliya iyo Wasiirka arrimaha dibadda Cabdisalaan Cumar oo isoo gaarsiiyay farriin ka timid madaxweynaha Soomaaliya Maxamed Cabdullaahi Maxamedโ ayuu faafiyay madaxweyne Uhuru Kenyatta bartiisa Twitter-ka.
Qunsulka Safaaradda Soomaaliya ee Kenya Cali Maxamed Sheekh โBagadiโ ayaa SONNA u xaqiijiyay in madaxweyne Kenyata uu aqbalay in uu ka soo qeyb galo caleemo-saarka madaxweynaha cusub ee Soomaaliya mudane Maxamed Cabdullaahi Farmaajo oo arbacada soo socota ka dhici doonta magaallada Muqdisho.
โSoomaaliya iyo Kenya waxa ay wadaagaan caqabado iyo fursado guud, si wada jir ah waxa aan uga qeyb qaadan kartaa nabadda iyo barwaaqda gobolkaโ ayuu yiri Wasiirka arrimaha dibadda Soomaaliya.
Soomaaliya iyo Kenya waxaaย ka dhaxeeya xiriir ganacsi iyo mid diblomaasiyadeed, sidoo kale waxa ay iska kaashaadaan arrimaha ammaanka labada dal gaar ahaan la dagaallanka argagixiada.
ย
