Qoysaska maanta deeqda la gaarsiiyay ayaa ka soo barakacay abaaraha ka jirta qaar ka mid ah gobollada dalka, kuwaasi oo dhawaan soo gaaray degmada Kaxda ee gobolka Benaadir.
Ururka dhallinyarada degmada Kaxda ayaa deeq ka kooban raashin, dhar joodariyaal, sijaayado iyo Caagado gaarsiiyay qoysas ku soo barakacay degmada Kaxda ee ay saameysay abaarta ka jirta gobollada dalkeena.
Guddoomiyaha ururka Dhallinyarada degmada Kaxda C/raxmaan C/laahi Abiikar ayaa Warbaahinta Qaranka u sheegay in deeqdaan ay tahay mid ay iska soo dhex uruuriyeen, ayna ka damqadeen dhibaatada heysata qoysaska ku soo baracay degmada, isagoo tilmaamay in talaabadaan ay ka danbaysay kaddib markii ay arkeen Dhalinyarada Degmada dhibaatooyinka haysta dadka walaalahooda ee abaarta ka soo barakacay.
Qaar ka mid ah dhallinyara Degmada Kaxda oo ka hadlay madasha qaybinta Deeqdaasi ayaa muujiyay dareenkooda ku aadan dhibaatada haysta dadkaasi iyo baahiyaha gaarka ah ee ay qabaan.
Horjoogaha Kaamka Maanta ay dhallinyaradu gaarsiiyeen deeqda gargaar ayaa uga mahadcelisay dhallinyarada Degmada Kaxda doorkooda ku aadan ugur mashada dadka tabaalaysan ee ku soo barkacay Degmadaasi, iyadoo ugu baaqday dadka wax haysta inay gurmad la soo gaaraan qoysaska barakacay.
