Xaflad si weyn loo soo agaasimay laguna sagootinayay tiro arday soomaaliyeed ah oo dhameestay heerarka kala duwan ee waxbarasho ayaa lagu qabtay mid ka mid ah hotelada ugu bilicda quruxsan magalada kuala lumpur ee caasimada wadanka Malaysia.
Xafladaan oo ay soo qaban qaabiyeen ururka ardayda Soomaaliyeed ee wadanka Malaysia ayaa waxaa ka soo qayb galay safiirka safarada soomaaliyed ee wadanka Malaysia, Ambassador abukar abdi osman Mardaadi iyo qaar ka mid ah aqoonyahanada soomaaliyeed ee ku nool wadanka Malaysia.
Ugu horeeyn waxaa xaflada martida ka soo qayb gashay ku soo dhaweeyay gudoomiyaha midowga ardayda somaliyeed ee Wadanka Malaysia Mr Mohamed Abdirahman Ismail “Timo”, wuxuuna warbixin kooban ka bixiyay tirada guud ee ardayda Qalin Jabinaysay ee madasha fadhida, wuxuuna sidoo kale hadalo iskugu jira waano iyo dhiiri galin ku siiyay ardayda somaliyeed ee waxbarashadooda dhameestay, isagoo ugu baaqay in waxay barteen ay dib ugu celiyaan, dalka, kana qayb qaatan horumarka muuqdo ee ka jira dalka.
Sidoo kale waxaa isna khudbad aad u dheer ka jeediyay goobta safiirka safarada soomaaliyeed ee wadanka Malaysia, Ambassador Abukar Abdi Osman, wuxuna ugu horeyn hambalyo u diray ardayda soomaaliyeed ee ka qalin jabiyay jamacadaha kala duwan ee dalka Malaysia, isagoo u rajeeyay in ay waxay barteen ay ugu faaideyaan bulshada somaliyeed, sidoo kale kula dardarmay bulshadii ka soo qayb gashay xaflada oo arday u badnaaa in ay door muuqda ka qaataan dhowrida sharafta iyo karamada magaca somaliyeed oo ay iska soo qaadan in qof walba oo naga mid in uu yahay wakiil soomaaliyeed, dhawrana dhaqanka iyo xeerarka u degsan wadanka ay wax ka bartaan oo ah dal aad soomaalida loogu soo dhaweeyo lagana jecel yahay.
Ma ahan markii ugu horeysay ee arday soomaaliyeed ay wadankani ka aflaxaan, balse sanadihii tagtay ayaa tiradii ugu badneed arday soomaaliyeed oo heerka labaad ee MASTER ka ay ka aflaxeen jamacadaha kala duwan ee dalka Malaysia, iyadoo tiro koobka gudiga ardayda ay safarada u gudbiyeena ay ku soo bandhigeen in ku dhawaaw 80 arday ka badan in ay heerka labaad ee Masterka ay dhameesteen.
