Wararka aan ka helayno Xabsiga dhexe ee magaalada Muqdisho ayaa sheegaya inuu geeriyooday mid ka mid ah Maxaabiista Xabsiga ku xirnaa, kaasi oo ku xakunaa dil toogasho ah.
Masuuliyiin ka tirsan Maxkamadda Ciidanka Qalabka sida ayaa Warbaahinta Qaranka u sheegay in Maxbuuska uu u geeriyooday Xanuunka Shuban Biyoodka oo uu maalmihii ugu danbeeyay la ildarnaa.
Cudurka Shuban Biyoodka ayaa soo ritay Dad badan oo ay ka mid yihiin Haween iyo Caruur ka mid ah dadka soo barakacay ee ku jira qaar ka mid ah xeryaha Barakacayaasha ee ku yaala Dalka.
Hay’adaha Caafimaadka ayaa sheegay inay jiraan tiro dad ah oo u geeriyootay ilaa iyo hadda Cudurkaan iyadoo tiro koob sax ah aanan ilaa iyo hadda la hayn.
