Madaxweyne Ku-xigeenka Dawlad goboleedka Puntland Eng. Cabdixajiin Xaaji Cabdullahi Cumar Camey ayaa maanta 11 September 2017ย qasriga Madaxtooyada Garoowe ku qaabilay wefti uu hogaaminayo safiir ku-xigeenka safaaradda Ingiriiska (Britain) ee Soomaaliya Miss. Mary Shockledge.
Kulanka ayaa waxaa kusimaha Madaxweynaha Puntland ku wehelinayeyย mas’uuliyiin ka tirsan golaha Xukuumadda Puntland.
Related posts
Madaxweyne Ku-xigeenka Puntland ayaa sheegay kulanka kaddib inay ka wada hadleen arrimo ay ka mid ahaayeen Ammaanka, Nabad gelyada, doorashada Puntland iyo arrimo kale oo muhiim ah.
Sidoo kale waxa uu sheegay ku-simaha Madaxweynaha Puntland inay si qoto dheer uga hadleen arrinta abaaraha, taas oo uu xusay in ay kala hadleen ku-xigeenka safiirka Ingiriiska iyo wefdiga ay hogaaminayso qodaalka ceel-biyoodyo lagaga gaashaanto abaarta iyo sidoo kale in ceelashaasi lagaga faaโidaysan doono ku dhiirashada falashada beeraha.
Dhinaca kale Madaxweyne Ku-xigeenka Puntland ayaa tilmaamay inay ka wada hadleen kalluumaysiga Puntland, waxaana uu tibaaxay inay arrintaasi isku afgarteen wax ka qabashadeeda.
Safiir Ku-xigeenka safaaradda Ingiriiska ee Soomaaliya Miss. Mary Shockledge ayaa dhankeeda sheegtay inay diyaar u yihiin iskaashiga iyo wax ka qabashada dhammaan arrimaha muhiim ka ah ee ay kawada hadleen Madaxda Puntland, taasi oo ay ugu horeeyaan arrimaha Ammaanka, abaarta iyo doorashooyinka.
Ugu danbayn, Madaxweyne Ku-xigeenka Dawlad goboleedka Puntland Eng. Cabdixakiin Xaaji Cabdullaahi Cumar Camey ayaa sheegay in ay tahay markii ugu horeysey ay Puntlandย timaado safiir ku-xigeenka safaadda Ingiriiska ee Soomaaliya, waxaana uu tilmaamay inay sheegtay inay aad ugu qanacsan tahay imaanshaha deegaannada Puntland.
