Madaxweynaha Dowlad Goboleedka Jubbaland Mudane Axmed Maxamed Islaam oo safar shaqo ku joogo Gobolka Gedo ayaa gaaray Magaalada Beled-Xaawo,isagoo booqday Xero Ciidan oo ay Ciidamada Darawiishta Jubbaland ku leeyahiin duleedka Magaalada Beled-Xaawo,halkaas oo dhawaan ay weerar ku qaadeen Kooxda Al-Shabaab.
Axmed Maxamed Islaam (Axmed Madoobe) oo ay wehelinayaan Saraakiil sare oo katirsan Jubbaland iyo xubno labada gole ka socda waxaa ay soo kormeereen xerada oo ay ku sugan yihiin Ciidamada Jubbaland, iyadoo uu Khudbad dhiiro gelin ah u jeediyay Askarta.
Related posts
Mudane Axmed Madoobe wuxuu ku amaanay sida ay dhabar adayga ku dayashada mudan u muujiyeen Ciidamada qalabka sida oo maalmo ka hor iska caabiyay weerar ay ku qaadeen maleeshiyada Al-Shabaab.
Isagoo ka hadlayay dhibaatada ka jirta wadanka,ayuu sheegay Madaxweynaha Jubbaland, in Jubbaland looga baahan yahay isku tashi dhinaca amaanka ah iyo in ay sida ugu dhaw u bilaabanayaan hawlgalada Al-Shabaab lagaga xoraynayo meelaha ayย gobolka kaga sugan yihiin.
โCaasimadii Jubbaland waxaa ay wali ku jirtaa gacanta cadawga waxaa hubaal ah in Ciidanka ay tahay in ay halkaas tagaan oo ay xoreeyaan waa idinka Jarmal miyuu cirka inooga soo daadan waa mayaโ ayuu yiri Madaxweynaha Jubbaland.
Al-Shabaab ayuu sheegay in ay jabeen islamarkaana loo baahanyahay oo kaliya in la is raaciyo firxad kooda.
โAl-Shabaab maanta inagaa Dowlad ahaana ka xoog badan Mustaqbal ahaana idinkaa ka sharaf badan oo ka niyad wanaagsanโ ayuu yiri Madaxweyne Axmed Maxamed Islaam.
Ciidamadii ka qayb qaatay dagaalkii Al-Shabaab lagu jabiyay ayuu sheegay in la abaal marinayo oo ay helayaan si joogta ah xuquuqda ay leeyahiin loogana baahan yahay in ay ka qayb qaatan hawlgalada la isugu furayo deegaanka.
Waxaa uu sheegay Axmed Madoobe in uu wakhti badan galin doono isku dubaridka Ciidamada inta uu Gobolka joogo isla markana wax badan oo wanaagsan ay qaban doonan.ย ย 
