Taliyaha Ururka afartan iyo sideed ee guutada sagaal Ciidamada Xoogga Dalka Soomaaliya kuna sugan gobolka Gedo C/raxmaan Ibraahim Muxmad oo la hadlay Radio Muqdisho Codka Jahmuuriyada Soomaaliya ayaa sheegay in ay dagaal shalay ka dhacay duleedka Degmada Buurdhuubo ee Gobolka gedo lagu dilay Saraakiil iyo horjoogayaal ka tirsan Nabad diidka Al shabaab kuwaa soo ku sugnaa halkaasi.
Taliye C/raxmaan Ibraahim Muxmad waxaa uu tilmaamay in dagalkaas ay kula wareegeen deegaano maleeshiyaadku ku dhibaatayn jireen Gobolka kuwaasoo duleedka ka ah degmada Buurdhuubo ayna gacanta ku hayaan Ciidamada Xoogga Dalku deegaanadii lagala wareegay Nabad diidka Al shabaab.
Ciidamada Xoogga Dalka Soomaaliyeed ayaa wada guluf Dagaal kaasoo Dalka looga sifaynaayo Nabad diidka Al shabaab waxaana ugu dambeeyey Dagaalkii shalay ka dhacay Gobolka Gedo ayna Ciidamadu ku qabsadeen deegaano ay maamulayeen Al shabaab.
Halkaan hoose ka dhageyso Codka:
