Maamulka Gobolka Shabeelaha hoose ayaa faah faahin ka bixiyay Xaaladda Gobolka Shabeelaha Hoose oo ka mid ah deegaanada hoose yimaada Maamulka Koonfur galbeed Soomaaliya.
Guddoomiyaha Gobolka Shabeelaha hoose Ibraahim Aadan Najax oo la hadlay Radio Muqdisho Codka Jahmuuriyadda Soomaaliya ayaa sheegay in Socdaal ay ugu kuur galayaan Xaalada Aminiga iyo mida nolaleed ay ku tageen deegaano ka tirsan Shabeelaha hoose.
Guddomiye Ibraahim Aadan Najax ayaa Sheegay in ay Gobolka ka jiraan Abaar iyo xaalado kale oo dhamaan saamayn ku yeeshay bulshada ku nool deegaanada shabeelaha hoose.
Guddoomiyaha Gobolka Shabeelaha hoose iyo masuuliyiin kale oo ka tirsan Maamulka Koonfur galbeed Soomaaliya ayaa Safar shaqo ku tagay Degmada Qoryoolay ee Gobolka Shabeelaha hoose si ay ugu kuur galaan xaalada bulshada ku nool degmada.
Gobolka Shabeelaha hoose ayaa ka mid ah deegaanada uu maamulo Maamulka koonfur galbeed Soomaaliya kana mid ah Gobolada ugu qeyraadka badan Soomaaliya in kastoo ay gobolka ka jirto Abaar saamayn ku yeelatay bulshada Gobolka gaar ahaab Beeralayda iyo xoola dhaqatada Soomaaliyeed eek u nool Gobolkaasi.
Halkaan hoose ka dhageyso Cod:
