Muqdisho 22 Nofeembar 2017 – Howlgalka Midowga Afrika ee Soomaaliya ayaa waxaa ay siminaar labo maalmood socon doona u qaban-qaabisay xubnaha ka tirsan Ciidamada Ammaanka ee Soomaaliya, kaas oo ku aaddan sida loo kobcin lahaa haweenka lana taageerro ku darista haweenka arrimaha goobta shaqada.
Tababarka la siinayo ugu yaraan 32 shakshi oo ka mid ah shaqaalaha qaybta amniga oo ka kala socda Dowladda Federaalka ah iyo xubnaha federaalka ayaa waxaa gacan ka geysanaya Safaaradda Ingiriiska ee Soomaaliya.
Related posts
Danjire Francisco Caetano Madeira oo ah Wakiilka Gaarka ah ee Guddoomiyaha Guddiga Midowga Afrika ee u fadhiya Soomaaliya ayaa xilli uu furayay siminaarka ka dhacaya caasimadda sheegay in tababarka uu waafajin doono ciidamada ammaanka ee Soomaaliya qaab-dhismeedyada ka jira caalamka iyo gobolka oo ay dhiseen Midowga Afrika iyo Qaramada Midoobay.
โQaraarka Golaha Amniga ee Qaramada Midoobay ee caddadkiisu yahay 2372 ee (ku darista) waajibaadka cusub ee AMISOM, waxaa uu xoogga saaraya dhowrista isla-xisaabtanka, in la helo ciidamo amni oo lala xisaabtami karo kuwaas oo u hooggaansan waajibaadyada caalamiga, gaar ahaan dhinaca Xeerka Caalamiga ah ee Baniโaaddinimada iyo Xeerka Caalamiga ah ee Xuquuqda Aadanaha. Ilaalinta haweenka iyo sinnaanta jinsiga waa muhiim,โ ayuu hadalkiisa ku yiri Danjire Madeira.
Tababarka oo laga bilaabi doono maamul goboleedyada waxaa uu qayb ka yahay mashruuca AMISOM ee karti dhisidda jinsiga ee loogu talagalay ciidamada ammaanka ee Soomaaliya.
Mudane Jim Haggerty, oo ah Madaxa Barnaamijka Sanduuqa Colaadda, Amniga iyo Xasilloonida ee Soomaaliya iyo La Taliyaha Xasilinta ee Safaaradda Ingiriiska, ayaa ballanqaaday in ay sii wadayaan taageeridda mashruuca.
โInta aan awoodno, waan sii wadeynaa in aan taageerno u fidinno barnaamijkan iyo barnaamijyo kale oo ka soo farcama bilooyinka iyo sanadaha soo socdaba,โ ayuu yiri Jim Haggerty.
Ku xigeenka Wasiirka Difaaca ee Dowladda Federaalka ah ee Soomaaliya, Mudane Cabdullaahi Colaad Rooble, ayaa aqoonsaday muhiimadda ay leedahay in haweenka la siiyo fursado siman, gaar ahaan dhinaca jegooyinka goโaan gaaridda.
โHaddii aysan jirin xuquuqda Haweenka, marka ma jirto xuquuqda beniโaadanka, Haddii aan dhowrno xuquuqda haweenka, waa markaas marka aan dhihi karno waxaan dhowrnay xuquuqda beniโaaddamka,โ ayuu ku yiri ka qayb-galayaasha siminaarka.
โWaa sidaasi darteed ayay muhiim inoogu tahay in aan soo baxno oo aan horumarinno xuquuqda haweenka.โ
DHAMMAAD
