Taabid Cabdi Maxamed Guddoomiyaha Gobalka Banaadir ahna Duqa magaalada Muqdisho ayaa xalay waxaa uu ku meer ku tagay saldhigyo ay ka howlgalaan ciidamada ammaanka,kuwaasi oo baara gaadiidka soo gala iyo kuwa ka baxa caasimadda,kuwaasi oo ku sugan deegaanka siinka dheer ee duleedka Koonfureed ee magaalada Caasimadda ah ee Muqdisho.
Mudadii uu kugua jiray booqshadiisa Guddoomiye Taabid waxaa uu ku amaanay ciidamada sugaya nabadgeliyada caasimadda,sida ay u muujinayaan dhabar adayd,kuwaasi oo ka hortaga dhagaraha argagixisadu ay u soo maleegeyso shacabka ku dhaqan magaalada Muqdisho.
Gudoomiyaha Gobolka Banaadir ayaa markii halkaasi uu tagay wuxuu kulan la yeeshey saraakiisha ciidamada sugaya amniga caasimadda,isagoo balanqaaday in laga warhayn doono,islamarkaana dowladda Soomaaliya ay la qeybsan doonto dadkaasi dhibaatada.
Talaabadan uu ku dhaqaaqay guddoomiye Taabid Cabdi Maxamed aya dhiirogelinaysaa ciidamada sugaya amniga caasimadda,iyadoo ay in badan ku guuleysteen in ay fashiliyaan falal qaraxyo dhowr ah oo ay soo maleegeen maleeshiyada Alshabaab.
Isbedelo dhanka amniga ah ayaa laga dareemayaa magaalada Muqdisho,tan iyo markii loo sameeyay magaalada ciidamo si gaar ah uga howlgala sugiidda nabadgeliyada.
