Mudane Shariif Xasan Sheikh Aadan,Madaxweynaha Maamulka Koonfur Galbeed Soomaaliya ayaa Maanta dhagax dhigay Waddo 3-KM ah oo ka bilaabaneysa Garoonka diyaaradaha Baydhabo, sidoo kalena ku eg madaxtooyada magaaladaasi.
Wasiirka Gaadiidka cirka iyo dhulka ee Maamulka K/galbeed C/llaahi Aadan Cali , oo Warbaahintaย la hadlay ayaa sheegay in dhismaha wadadan ay gacan weyn ka geysanayaan Wasaaradaha Maaliyadda Dowladda Federaalka iyo tan Maamulka Koonfur Galbeed.
Related posts
Wuxuu sheegay wasiirka in wadadan ay sidoo kale shaqo abuur u tahay dhallinyarada ku sugan magaalada Baydhabo ee xarunta gobolka Baay.
โWaxaan si gaar ah ugu mahadcelineynaa dowladda Federaalka oo gacan weyn ka geysatay arrintan, dhanka kalena shaqo abuur ayeeyย u tahay dhallinyarada Baydhabo ku suganโ ayuu yiri wasiirka.
Madaxweynaha Maamulka Koonfur Galbeed Soomaaliya Shariif Xasan Sheikh ayaa sheegay in haddii dib u dhis lagu sameeyo wadadan ay muhiimad u yeelan doonta shacabka reer Baydhabo,islamarkaana qeyb ka qaadaneyso kaabayaasha dhaqaalaha dalka.
Ugu danbeyntii,Shariif Xasan ayaa ugu baaqay Ganacsatada iyo Hayโaddaha kale ee caalamiga iney ka qeyb qaataan sidii loo soo celin lahaa kaabayaasha dhaqaalaha deegaanada Koonfur Galbeed si isku filnaasho loo gaaro.
