Aqoon isweydaarsigaan oo ujeedkiisu ahaa dardar galinta sanadkan ee dhismaha Golayaasha Deegaanka Degmooyinka Gobolada Dalka, iyada oo laga tusaala qaadanayo wixi ka qabsoomay sanadkii tegay waxa ka qeyb galay masuuliyiinta Wasaaradda Arrimaha Gudaha, Federaalka iyo dib u heshiisintaย Soomaaliya, Wasiiradaha Arrimaha gudaha ee dowlad goboleedyada iyo Bahwadaagta beesha caalamka ee taageera dhismaha golayaasha deegaanka.
Wasiiro Dowlaha Wasaaradda Arimaha Federaalka iyo dib u heshiisinta ee Xukuumadda Soomaaliya Mudane Cabdullaahi Faarax Wehliye oo ka hadlay caqabadihi ugu weynnaa sanadkii tegay ayaa sheegay in 16 degmo sanadkaan qorshuhu yahay in laga hirgaliyo Golayaasha Deegaanka.
Related posts
“Sanadkii hore caqabado ayaa jiray oo xagga shuruucda, amniga, abaaraha iyo wacyi gelin laโaanta bulshada, waxaana suura gashay kaliya 2 degmo in golaha deegaanka loo dhiso, sanadkan waxaan qorsheynayanaa inaan ka howl bilaawno 16 degmo oo la dhameystiro golayaashooda deegaanka sida aan rajaynaynoโโ ayuu yiri Wasiiro dowlaha.
Mudane Maxamed Cali Caadle Wasiirka Arimaha Gudaha ee Hisrhabeelle oo ku hadlayay Afka Dowlad Goboleedyada ayaa ku baaqay in la taageero Degmooyinka loo dhisay Golayaasha Deegaanka iyo kuwa haatan lagu howlan yahay in loo dhiso.
“Waxaan ku celcelinaynaa in maadaama dadkii ku shaqada lahaa oo dhan joogaan in meelihii laga dhisay golayaasha deegaanka in wax laga qabto, kuwa dhiman dhismahooda in nalaga taageeroโโ Mudane Maxamed Cali Caadle.
Bahwadaagta beesha caalamka ee taageera hannaanka Qaran ee dhismaha dowladaha hoose ee Wadajir ayaa balan qaaday inay sii joogteynayaan doorkooda.
Agaasimaha Guud ee Federaalka Wasaaradda Arrimaha Gudaha, Federaalka iyo dib u heshiisiinta Soomaaliya Maxamed Cabdulwahaab dhismaha golayaasha deegaanka ayuu ku tilmaamay inuu xal u yahay khilaafaadka heerarkiisa kala duwan ee waddanka ka jira.
“Khilaafyada kala duwan ee bulshadeena haysta ee isugu jira aragtida, siyaasadda, deegaanka iyo kuwa la mid ah intaas oo mashaakil oo bulshadeena haysata meesha kaliya ee lagu xalin karaa waa dhismaha golayaasha deegaanka, taasoo ka tarjumaysa in wax la wadaago inay bulshadu wax isku darsadaan soona gudbiyaan wadajir baahiyaha ay qabaanโโ ayuu yiri Agaasimaha.
Kulanka intii u socday waxaa shadooyin dhiira gelin ah lagu Guddoonsiiyay mas’uuliyiinta Wasaaradda Arimaha Gudaha ee Dowlad Goboleedka Koonfur Galbeed oo uu Hogaaminayay Wasiirkooda Madaama sanadkii tagay ay noqdeen Koofurta dalkaย dowlad gobnoleedkii ugu horeeyay eeย ku guuleystay bilaabashada dhismaha golayaasha deegaanka oo laga hirgaliyay degmooyinka Bardaale iyo Xudur oo ka kala tirsan Gobollada Baay iyo Bakool.
