Wararka k aimaanaya Magaalada Baladweyn ee Xaruunta Gobolka Hiiraan ee Bartamaha Dalka ayaa ku soo waramaaya in xalay dhagar qabe ka tirsanaa Maleeshiyaadka nabad iyo nolal diidka ah ee Al shabaab uu ku dhintay qarax uu ku aasayay afaafka hore ee Garoonka diyaaradaha Magaaldaasi.
Saraakiisha amaanka ee Gobalka Hiiraan ayaa halkaasi gaaray iyagoona u soo bandhigay warbaahinta miinadii la qaraxday ninka aasayay, taasi oo aan cid kale wax qasaare ah ka soo gaarin,Ibraahim Maxamed Geedi Wariyaha warbaahinta Qaranka kaga oo warama Gobolka Hiiraan ayaa sheegay in Qaraxaani uu ka dhacay meel u dhaw garoonka Magaalada uuna ku dhintay ruuxii aasayay oo ka tirsanaa Maleeshiyaadka Al shabaab.
Maleeshiyaadka nabad diidka ah ee Al shabaab ayaa ku howlan dhibaataynta Shacabka Soomaaliyeed hasa-yeeshee kuma guulayntaan oo waxaa ka hortaga Ciidamada Amaanka Soomaaliya inta badana iyagaa ayaa ku qasaara dhagarta ay maleegaan
