Ciidamada xoogga dalka ayaa ka hortegay weerar dhagar qabayaasha Al-Shabaab ay ku soo qaadeen degmada Balcad ee Gobolka Shabeelaha Dhexe, iyagoo xaqiijiyay amiga guud ahaan magaalada Balcad.
Saraakiisha ammaanka oo la hadlay Warbaahinta Qaranka ayaa sheegay in dhanka maleeshiyada Al-Shabaab ay ka dileen ilaa iyo lix halka dhankooda uu uga dhintay hal askari labo kalena ay kaga dhaawacmeen weerarka, waxaana ay ka codsadeen shacabka inay is dajiyaan oo ay la shaqeeyaan laamaha ammaanka.
Maleeshiyaadka Al-Shabaab ayaa dhowr jaho ka soo weeraray degmada Balcad, kuwaasi oo dilay dad shacab ah.
