Guddoomiyaha Gobolka Gedo ee koonfurta Dalka mudane Maxamed Muxumud Maxamed oo la hadlay Radio Muqdisho Codka Jamhuuriyadda Soomaaliya ayaa faah faahin dheerada ka bixiyay Kulan looga hadlayay xal ka gaarista muran xaduudeed maalmihii lasoo dhaafay ka taagnaa magaalooyinkaย Mandheera iyo Beledxaawo oo ka kala tirsan Soomaaliya iyo Kenya.
Mudane Maxamed Muxumud Maxamedย Guddoomiyaha Gobolka Gedo wareysigaan uu siiyay Radio Muqdisho ayuu ku sheegay murankaan oo ahaa mid soo jiitamayay bilihii lasoo dhaafay hasa-yeeshee Maamulada magaalooyinkaย Mandheera iyo Beledxaawo ay dadaal xoogan ku bixiyeen sidii xal waara looga gaari lahaa muran xaduudeedka.
Related posts
Guddoomiyaha ayaa tilmaamay in bulshada magaalooyinkaย Mandheera iyo Beledxaawo ay dhibaato ku qabeen isku socodka gaar ahaan Ganacsiga isagoona sheegay in ay ka go,an tahay maamuladaย Mandheera iyo Beledxaawo xoojinta nabadda iyo xasiloonida.
Xaduudka ay wadaagaan Dowladaha Soomaaliya iyo Kenya ayaa in badan dadka degan waxay ka cabanayeen darbi ay Dowladda Kenya ka dhisayso xaduudka ay la wadaato Soomaaliya.
Halkaan hoose ka dhageyso Codka Guddoomiyaha:
