Tartankaan oo u dhaxeya 32 Iskuul oo ku yaala Degmada Hodan oo uu ku jiro iskuul ay dhigtaan ardayda naafo ah oo la’a Maqalka ayaa galabta waxa u daawasho tagey Ra’iisul Wasaaraha Xukumadda Federaalka Soomaaliya Mudane Xasan Cali Kheyre oo ay wehliyaan Wasiirada Amniga, dhallinyarada, Xildhibaanno ka tirsan Golaha shacabka iyo xubno kale oo ka socday Maamulka Gobolka Benaair si ay u dhiiri geliyaan dhallinyarada leh hamiga isboortiga.
Tartanka oo marayo heerka loo qayaano 16-ka ayaa waxa galabta cayaar xiiso badan ku dhex martay garoonka salaxa ee Degmada Hodan Iskuulada Sheekh Madar iyo Kooxda ku ciyaareysay Dugsiga Dhagoolayaasha ee SONAD oo ka qeyb galaya tartankani uu maamulka Degmada soo qaban qaabiyay
Dhamaan dadkii ka dhaqayb galay daawayasha oo u badnaa dhallinyaro ayaa ku farxay markii ay arkeen Ra’iisul Wasaare Khayre iyo xubno ka tirsan Golaha Waisirada ee kala qayb galaya daawashada kulan ciyareedkaan xiisaha lahaa ee soo jiitay dhamaan intii u soo daawasho tegtay cayaarta.
Kooxaha Sheekh Madar iyo SONAD oo galabta ciyaarayay ayaa soo bandhigay ciyaar aad u xiisa badneyd oo ku dhisneed weerar iyo weerar celis, taas oo soo jiidatay madaxda iyo bulshada u soo daawasho tegtay garoonka Salaxa ee Degmada Hodan, waxaana ugu danbeyn daqiiqadihii ciyaarta loogu tala galay ay kusoo idlaatay 4-0 oo ay guusha ku raacday Kooxda dhagoolayaasha ee Sonad
Ra’iisul Wasaaraha Xukumadda Federalka Soomaaliyeed ayaa mid mid u salaamay dhallinyaradda cayaartoyda labada Iskuul ee soo bandhigay ciyaar wanaaga, si uu ugu muujiyo taageerada uu u hayo dhallinyarada aan lixaadooda dhameystirneyn, isagoo wax lagu farxo ku tilmaamay xifradda cayaareed ee ay soo bandhigeen dhamaan labada koox.
