Qaraxaan miino oo maanta si lama filaan ah uga dhacay duleedka dhanka Waqooyi ee magaalada Gaalkacyo ayaa sababay khasaare dhimasho iyo dhaawac isugu jira oo soo gaaray carruur tiradooda lagu sheegay 12, iyadooย mid ka mid ah uu geeriyooday halka 11 kalana ayย dhaawacmeen kuwaasi oo haatan xaaladooda caafimaad lagu daweynayo qaar ka mid ah isbitaalada ku yaala Waqooyi Galkacyo.
Taliyaha saldhiga dhaxe ee ciidanka booliiska Galkacyo ee Dowlad Gobaleedka Puntland Axmed Maxamed Afrax (Taraafiko) oo la hadlay Warbaahinta ayaa sheegay inay wadaan baaritaan ku aadan sida ay ku ogaan lahaayeen nuuca uu ahaa qaraxa dhacay.
Related posts
“Miinooyinka dhaca, mid ka mid ah ayaa maanta waxa uu ka dhacay Salaama 2, gaar ahaan meel waddada dhexdeeda ah, qaraxa waxaa ku dhaawacantay 11 ilmood iyo halka kii gacanta ku hayay uu dhintay, goobtii uu shilka ka dhacay waan tegnay, wax cad ah oo tilmaan ka bixin karno, ma soo helin, balse waxaan wadnaa baaritaan ku saabsan inay ahaayeen wax cusub ama waxย horey ugu jiray goobta”ayuu yiri Taliyaha.
Dhinaca kalana Agaasimaha Isbitaalka Guud ee Gobalka Mudug ee Puntland ย Maxamed Xuseen Aadan ayaa warbaahinta uga waramay xaalada caafimaad iyo xadiga uu la egyahay dhaawac soo gaaray qaar ka mida carruurta oo lasoo gaarsiiyay isbitaalka.
“Waxaa dhacay shil aad iyo aad aan uga xunahay, oo ka dhacay xaafadaha banaankeeda, qaraxaas waxa uu geystay arruurta yar yar mid ka mid ah wuu geeriyooday, lix wax ay jiifaan Isbitaalka GMC lix kalena waxa ay jiifaan isbitaalka Guud ee Jaamacadda magaalada Gaalkacyo, labada mid ah carruurta isbitaalkeena jiifta labo carruur ah ayaa xaaladooda aad u liidata” ayuu yiri Agaasimaha.
Maahan markii u horeysay ee qarax ceynkaan oo kala ah uu ka dhaco magaalada galkacyo iyo daafaheeda isla markaana ay waxyeelo kasoo gaarto dad maati ah magaalada galkacyo ayaana lagu tiriyaa meelaha ugu badan ee ay yaalaan walxaha qarxa sida miinada iyo wixii la mid ah
