Wasiirka arrimaha dibadda ee Ruushka, Sergei Lavrov, ayaa sheegay in xukuumadda Mosko ay dalkeeda ka eryeyso tiro la eg middii ay Mareykanka dalkooda ka soo ceyriyeen, kaddib sumayntii lagu sumeeyay nin horey uga tirsanaan jiray sirdoonka Ruushka.
Xukuumadda Washington ayaa horey dalkeeda uga eriday 60 dublamaasiyiin Ruushka u dhashay.
Mr Lavrov ayaa sheegay in Ruushka uu xirayo Qusuliyadda Mareykanka ee ku taalla magaaladda St Petersburg.
Wasiirka arrimaha dibadda ee Ruushka, Sergei Lavrov, ayaa sidoo kale ku baaqay kulan degdeg ah oo ay yeeshaan ururka caalamiga ah ee ka hortagga hubka Kimikada ee loo soo gaabiyo OPCW.
Dhanka kale xoghayaha guud ee Qaramada Midoobay Antonio Guterres, ayaa ka digay in xaladda ay ku sii siqayso dagaal qabow.
Waxa uu walaac ka muujiyay in aysan muuqan wadahadallo hoos loogu dhigayo xiisadda u dhaxeysa Mareykanka iyo Ruushka.
